مجرة أميم | AMYM Galaxy

لا شيء مستحيل في الأسطورة ! Nothing Impossible In The Legend

تابع : الحماية والأمان وتطبيقات الـ سبام في الفيسبوك !

السلام عليكم ورحمة الله وبركاته ، 
بسم الله الرحمن الرحيم ،

بعيدًا عن المقدمات الطويلة والأكثر مللًا ،

قررت ان تكون هذه التدوينة تكملة للتدوينة السابقة .. بقالي فترة عايز اكتبها وكل مرة اليوم يخلص ومتعرفش هو بدأ امتى اصلًا ..

طبعًا بما انها تكملة للتدوينة السابقة يعني فيه حاجات مهمة انا قلتها هناك ومش هاعيدها فإذا لم تكن تابعتها يمكن قرائتها من هنا :

إرفع درجة الحماية, الأمان والخصوصية في جهازك وحساب الـ Facebook

 معرفش لسه هاسمي التدوينة دي إيه .. بس بقول ممكن تبقى :

تابع الحماية والأمان وتطبيقات الـ سبام في الفيسبوك !

كالعادة انا كلامي بيكون موجه للفئة / الطبقة الأكثر انتشارًا واستخدامًا للفيسبوك .. اللي هي غالبيتها بتبقى معرفتها بسيطة او مش عارفة حاجة فاللي انا بتكلم فيه ..

فبحاول ان يكون كلامي بسيط قدر الإمكان وغير متعمق فالكثير من التفاصيل ..

أنا مش عارف هابدأ من فين .. لأن كل لما بقلب الموضوع والأفكار ، بيكون عندي إحساس ان انا فالآخر جاي هنا عشان أثبت بالبرهان نظرية ازاي انت بتعمل كل حاجة بتنفسك وتيجي فالآخر تمثل دور شخص بريء لا يعرف شيئا وأن مايحدث حولك هو مجرد اننا ضحية لتلك المؤامرات التي تم استهدافنا بها نحن البشر من قبل كائنات مجهولة الهوية في بعد آخر من ذلك العالم الإفتراضي ! 

وقد يكون ردة فعلي الطبيعية مندهشًا .. أشياء غريبة تحدث لديكم يارجل ! 

بداية .. هاضيف جزء صغير على الموضوع السابق وهو ضمن تحديث جديد للفيسبوك فالجزء الخاص بالـ security .. اسمه Trusted contacts : 

https://www.facebook.com/settings?tab=security 

دي بتضيف فيها من 3 لـ 5 أصدقاء عندك انت بتثق فيهم والفيسبوك هايعتبرهم كأداة مساعدة لك لو حصل أي حاجة فالحساب بتاعك .

  

أخيرًا .. النقطة اللي انا متكلمتش فيها فالموضوع الأول .. تطبيقات الفيسبوك .. ومع انتشار الـ Spam الأيام دي فـ فيه كام نقطة ممكن نوضحها ونتكلم فيها ، 

https://www.facebook.com/settings?tab=applications 

هنا هيظهر لك كل التطبيقات اللي ليها صلاحية على حسابك .. ولو فتحت كل تطبيق هايقول لك إيه هي كل الصلاحيات اللي التطبيق واخدها وتقدر تعدل عليها زي ماانت عايز ..

ولما تيجي تحذف تطبيق .. اعمل علامة صح على delete لو عايز تحذف كل الحاجات اللي التطبيق نشرها على حسابك بإسمك في أي مكان .. * يفضل في حالة تطبيقات الـ سبام .

ومن ضمن قائمة Blocking .. يوجد مايسمى بـ Block Apps ،

بمجرد كتابة اسم التطبيق والضغط عليه يقوم بحظره وحجبه لديك .. لا أخفي عليك ان هذه القائمة عندي تحتوي على مايزيد عن 50 تطبيق مابين ألعاب او تطبيقات مزعجة .. وأيضا لا تخلوا من تطبيقات الـ سبام بإسم الدين !

ستجد إسم التطبيق أسفل مايتم نشره .. مكتوب via واسم التطبيق .. 

فكرة الـ سبام عموما على الفيسبوك تتلخص في انه تطبيق بيطلب منك صلاحيات معينة على حسابك وانت بتوافق عليها وبمجرد انك وافقت عليها يكون المستخدم قد ابتلع الطعم وبدأ التطبيق فالعمل والانتشار . 

لكن لاحظت ان بعض طرق الـ سبام المنتشرة مؤخرًا مختلفة قليلًا عن الطريقة المعتادة ..

في حين انه يطلب منك تسجيل حسابك فالفيسبوك وغالبا ما تكون على امتداد موقع الهواتف المحمولة ..

ثم يظهر لك الفيسبوك رسالة تفيد بنجاح العملية مع رسالة تنبيه كما هو موضح فالصورة فالأسفل ..

 

وفالغالب أيضا انه يتم عرض مصدر الصفحة / الأكواد البرمجية .. مما يجبر المستخدم العادي على تجاهل الرسالة فكل هدفه هو الرابط فالاعلى .. متجاهلًا أيضا نص التحذير من الفيسبوك اللي هو بيقول له الرابط اللي فوق ده زيه زي الباسورد بتاعك بالضبط .. متديهوش لأي حد .. فتقوم انت واخد اللينك كوبي وتقدمه على طبق من ذهب😀 

المهم .. مش مشكلة .. افتراضا ان انت وقعت فحاجة زي كده .. تعمل ايه دلوقتي ؟ 

تروح تدور على التطبيق اللي عمل عندك المشكلة دي وتحذفه كما ذكرنا فالأعلى ..

طيب لم تجد التطبيق ؟

من الصفحة الشخصية الخاصة بك .. اذهب للسجل الخاص بك Activity log 

هتلاقي أي حاجة اتعملت بالحساب بتاعك .. وتقدر تحذفها كما هو موضح بالصورة .. خلاص كده ؟ لأ .. روح غير الباسورد بتاعك كمان .

طيب حاجة أخيرة .. زي مابيقولوا الوقاية خير من العلاج ، تعمل ايه بقا عشان متقعش فحاجة زي كده ؟

  • – متتدخلش على أي رابط منشور مع صورة أو من غير صورة .. بيقول لك فعل الخدمة الفلانية .. او شوف مقطع فيديو معرفش إيه .. إلخ .. يكون مكتوب تحته انه منشور via mobile أوي حاجة تانية غير via web

  • – اتأكد من رابط الموقع اللي انت فاتحه .. مش شرط عشان الموقع شكله شبه الفيسبوك او اليوتيوب يبقى هو فعلا ده الفيسبوك او اليوتيوب .
  • – مفيش حاجة اسمها كود تفعيل عشان تتفرج على فيديو . 
  • – مفيش فالفيوتيوب انه لما فيديو يتحذف بيبقى مكان الفيديو فيديو تاني بيقول ان هذا الفيديو تم حذفه عشان بلا بلا بلا .. و يكتب لك فالوصف لمشاهدة الفيديو اضغط هنا ، او يبقا مكان الفيديو يقول لك لمشاهدة الفيديو تحتاج لكود تفعيل .
  • – اليوتيوب لما بيحذف فيديو او بيكون محجوب بيطلع الأيقونة الحمراء المشهورة .. ورسالة صغيرة ومش بيبقا فيه حاجة فالصفحة غيرها .. لا تعليقات ولا وصف .. إلخ . 

بعد ماتعمل كل اللي انا قلت عليه هنا و فالتدوينة اللي قبلها .. لو حصل لا قدر الله وتم اختراق حسابك برضه ..

ادخل على الرابط ده : 

https://www.facebook.com/hacked 

وتابع الخطوات والتعليمات اللي فيه .

غير كده لو مكنتش عملت اي حاجة من دي متروحش لواحد تشتكيله بانه تم اختراق حسابك وتبدأ بلعن الفيسبوك والتقنية وتلك المؤامرات سابقة الذكر .

حاجة تاني ؟ تقريبا كده خلاص .. حاولت اربط الكلام بعضه قدر الإمكان ، اتمنى ان يكون في حد استفاد متكنش التدوينة مجرد إضافة ملهاش لازمة و عارف اني بتكلم كتير و آم سو سوري آبوت زات .. و share it و spread the word بقا وكده🙂 

لو حد عند أي سؤال يقدر يسألني من هنا :

2 responses to “تابع : الحماية والأمان وتطبيقات الـ سبام في الفيسبوك !

  1. فا رس الاحلام 2014/05/06 الساعة 1:11 ص

    مشاركة

    • فا رس الاحلام 2014/05/06 الساعة 1:12 ص

      لليبيا

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: